I Hajria Imeri – Mihalić si jekhutno anav sar romani so si čhivde an i Lipar ploča an o memorialno Muzep an o Jad Vapem an o Erusalim.
Ko odova lipar arakhen pe anava taro 23.000 manuša tari sasti lumia so si phursakerde sar pravednikia maškar i nacia thaj izraelsko them an o 1953 berš.
Ko anglonilaj 1941 berš pali nacistikani okupacia o Jaudie masovno našle taro Kosovo an i Albania , numa an o 1942 beršorangje pe pativaja kote ka šaj te dživdinen ki pli bijandi them. Numa o četnikia legaren len ko logoro an i Kosovakiri Mitrovica . Arakhle rizikoa kaj ka ovel olen bilačhi jazia , i jaudijka Bukica thaj olakoro rom o Blagoja gele an o partizania , a olengiri jkeh beršeskiri čhaj i Stela, biami an o 27 decembri 1940 berš barabutne pire mamiaja Ester legaren len an o logoro.
Tegani an o logoro ali i Romani Hajria , so kerel sine buti an o olengoro kher an i Kosovakiri Mitrovica . Tikni thaj hurdi akaja 35 beršengiri džuvli pire trin čhavencar avel an o logori thaj ka kurtalinel e tikne Stela. I mami i Ester dengja pire unuka e lafencar: ” Me sium phuri thaj nane importantno so ka ovel mancar, numa akava tikno čhavo trubul te dživdinel. Tari familia te ačhilo dživdo ko akava mariba ka aven pali late. Te na alo niko, vakeren lake o čačipa thaj ko si olakiri čačutni familia”.
O nacistia na dikhle kaj i Hajria iklili jekhe čhavea majbut an i piri angali. Dengja la anava Miradia thj arakhlja la sar pire aver šov čhave.
