I Vida Pavlović si biami an o 1955 berš , a muli an o 1o maj 2015 berš . Oj sine jekh taro majbare legende an i romani muzika.
Oj bikingja paše 1 milioni ploče, thaj sine bari so si romani. Oj startujngja te giljavel ko ple 14 berša. Ko 15 prandingja pe e muzičarea Aleksandar Pavlović. Palo biš beršengiri giljabe ko kafane , oj snimingja pli avgo ploča e giljaja ” Dikhav tari pendžerka” kote so sine bikimi an o 500.000 kotora. Dujto drom prandingja pe bašo Stefan Jovanović. Ki odoja prandin ačhili 27 berša. Na sine la čhave.
Ko ple dende intervjuia džanel sine te vakerel:
” Deš berša giljavgjum ko majšukar kafane an o Saraevo. Giljavav sine ko Hamam bar” odothe našti sine sako te khuvel. Salde bare biznismenia, thaj manuša so si len love. Me ki lungo toaleta, a ola an o frakia.
Uaim Imamovič, Safet Isovič, thaj Zehra Deović sine sar Devela , thaj udžaren sine me te ikljovav te giljavav. te šunav olengere komentaria: ” I tikni Vida, si fenomeni”
Palo festivali “Ilidža” mle misafiria sine stalno o Toma Zdravković thaj Bora Spužić Kvaka.Mangena man sine but”
Trin berš palo odova oj geli te dživdinel an o Beograd. Odova sine lake sar dujto strati tari nula.
Oj uli eksluzivco e prokucikae PGP-RTB thaj sinimngja baro numero hitia thaj milion bikime ploče. Olakoro stili sine prependžardo sar balada thaj anavkerde “dujtaktengoro” melosi thaj gilja.
o I Vida Pavlović muli ko plo 60 berš ko plo kher an o Beograd. Oj sine parumi n p plo bijando than Futog. O kolege anavkeren la sine “thagarutni maškar o thangarutne”. Oj ko 2004 berš reslja Sertifikato tari Internacionalno Romani Unia – IRU sar Romano abasadori e kulturake.
Link : http://www.kvaka.rs/legende/vida_pavlovic.htm
