I marginalizacia e romane minjoriteteske thaj phravdi natolerancia premal olende majodorig si baro problemi ko sektor manušikane hakoa an i Bugaria akcentirinel pe ko kotor e Bugariake ko raporto taro State Department taro USA e situaciake e manušikane hakoenge an i lumi bašo 2015 berš.
Kontinuirime bilačhipa ko mediumsko sikaviba thaj bajrardi kooperativiteto thaj politikano athinalipa e mediumenge ko jekh si baro problemi persi berš vakerel pe ko dokumenti havljardo an o sajto taro State deprtmenti.
IU korupcia džala majodorig te čhinavel o džanlipa e Govermenteskoro te randel i pativ ko biznis sektoro, ko Kriso thaj aver govermenteskere institucie notirinel o raproto.
O State departmeni akcentirinel čipote an i religiakiri diskriminacia thaj terori an i Bugaria thaj liparen o antimuslimansko demonstracie.
Ko raporto vakerel pe kote si kišlo o procesui an i integracia e migrantenge thaj i politika ko akava sektori , alusaribaskere malverzacie, terori upral jeriengiri funda thaj diskriminacia e džuvlenge, terori upral o čhave, biznisi čhavencar thaj i diskriminacia e minjoritetenge kana trubul te khuven ki buti.
