O Roma tari mahala “Bair” so dživdinena trujal o magistralno drumo Prilep-Bitola-Resen, akala divesa trujal o iv, čhivena gunoj thaj aver bukja tharibaja jag, ko majprometno trafiko an o utarpaščimalo kotor e themake.
Intervenciaja taro themakere institucie, o trafiko džala prekal i Bitola so dopherdo kerela pharipa an o trafiko an i diz, trujal o baro iv ko droma. O problemi si palem o problemi električno energiaja.
– O magistralno drumo Prilep -Bitola- Resen palem si an i agonia. Akava drom ko than periba phuv an o dromao Roma tari mahala “Bair” si holjame soske si čhinavdi i elektrika, thaj odoleske phanen akava drumo.
I reakcia taro Roma si so ko akala šudre divesa olende nane len elektrikani energia.
– Nane amen elektrika, ka mukhen biš minutia thaj palo odova čhinavena la. Odova keren soske nane pukjimi ničal i elektrikani energia. Numa soske okola so si majtele isi len, salde akala duj relacie nane len – vakerela o Rasim Ajradinovski.
– An o nilaj isi amen elektrika, a an o jevend si phare amenge e Romenge. Te mukhen jevendaske, te šaj te funkcionirina amen da o Roma -vakerela o Selevr Vejselov.
– Nane elektrika , čhinaven la konstantno. Jekh te merel an o momolja ka arakha ole – vakerel i Šukrie Šerifovska.
Taro EVN vakerena kaj an o akava reoni kote isi paše milja Roma, isi čhivdi nevi elektrikani instalacia, numa sebepi so but hardžinela pe elektrikani energia konstantno thabljona o osiguračia. Ko jekh isi phanel nalegalno instalacie thaj na pukjinela pe ničale i elektrika, trujal so trubul odova te pukjinel pe. Sa akala berša , trujal i phuv o bitolsko Roma si majtelepravdi socialno grupa dizutne an i Bitola, thaj buteder droma , barikadencar čhinavena o trafiko an o magistralno drumo.







