O legaripa e Dizjakere kurkeske an o Kraguevac i Svetlana Milenković, čoroli bukjarni hendikepea, so džvdinela korkoro sine havljardi sar tehnološko butipa.
I Milenković trubul lake panda enja masekoja bukjarno angažmani te šaj pherel o šartia te resel lovengoro suporto ko rok taro duj berša, kote šaj palo odova te penzionirinel pe. Numa akana si oj havljardi sar tehnološko butipa thaj taro Nevo Berš ka ačhol bizi buti thaj bizo desave love, vakerel i Unia taro korkoroutno sindikati an i Srbia an o Kraguevac.
Sar so vakerena an i vaktiavin i mangin te ačhol an i buti panda enja masekoa, thaj palo 13 berša sar higienerćčarka an o Dizjakoro kurko thaj nane validirimi.
Ko jekh oj ka ačhol bizo šajdipa te khuvel an i buti pire 60 beršencar thaj ka trubul te udžaren dži ko septemvri 2019 berš te šaj resel dži ki penzia.
-Sine aver da opcie numa o legaripa tarp Dizjakoro kurko alusargja i malokhi opcia: te frden tari buti i čoroli thaj phuri Romni. Odoleske akaharaja savoren , dizjakoro legaripa an o Kragujevac, ministeriumi baši buti thaj sociala thaj e romane organizacien te vazden piro krlo mujal akaja forma tari diskriminacia- notirinen an i vaktavin taro kragujevačko sindikato.
