O Roma tari naformalno mahala Čukarilka Padina kote i bari jag halja o tikne khera taro nekobor familie so dživdinena ko odova than. Telel o del ačhile paše 50 Roma maškar so isi thaj biš čhavore.
Sar suporto resle o paše amala thaj familia odole Romenge so lele len ko ple khera.
O bukjarbe taro Dizjakoro centri socialno bukjenge ko ofiso an i Čukarica ale ko than akale čipotake ko drom Milorad Jovanović 23.
E zijankerde manušenge sine dendo opcia akomodacia numa ola sine thanjarde ki pli paše familia.
žI bari jag majpakjavutne sine kerdi taro desavo električno aparati ko jekh taro katronsko khera so angja dži odova but sigate te buvljol ko aver da khera tari odoja mahala.
Šukrikerinaja thaj bahtake ki but sig reakcia an i intervencia e mujaljagakere ekipende thaj o aver manuša na sine ratavrde manuša ki akaja bari jag.
