I Finska uli jekhto them an i Europa so pire bibukarnenge ka del po 560 eura sar plata an o masek. Odova si kotor taro eksperimentalno socialno programa so startujnela taro 1 januari.
Olate si la resarin te tiknjarel pe e themakiri birokratia, thaj o čorolipa te šaj bajrarel pe o bukjarnipa.
I programa ka ovel duj berša bašo paše 2 mile slučajno alusarde dizutne so si notirime an i Agencia bukjarnipaske. Ola ka len 560 eura an o masek , bizo desavo rodaripa sar ola ka hardžinen len, numa odoleske ka oven tiknjarde olendar aver socialnop benefitia so isi len an o momento.
Prosek plata an o privat sektori an i Finska si paše 3.500 eura. O procento taro bibukjarnipa an i Finska so gejnela paše 5.5 milionia dizutne si paše saste 8 %.
