An o 18 oktomvri akava berš ko jekh lokalno kafe piceria an i čehiakiri diz Žatec sine brutalno mardo thaj mudardi 27 beršengoro Rom. Aso džiteganutne informacie sine but nadoaknde obligacie ano rodaripskoro akti akale čipotake. Odoleske o IRU thaj o presidento Zoran Dimov bičhavgje lil – reakcia dži ki Ambasada e Češko republikake an o Skopje kote palo odova oj dengja le dži ko Čehiakoro Govermenti
I Forma so ka legarel o sasto rodaripa te šaj faisalkerel o incidenti so na sine transparentno.
An o odova konteksti reslja antvorto tari rog e Čehiakere Govermenti taro Ministeri e Jurisdikciake o rajo Robert Pelikan reslja antvorto lil dži ko IRU Presidento Zoran Dimov. Ko antvorto o rajo Pelikan vakerela:
Pativale rajo Presidento
Bičhavav but baro sastimos tumare lileske so si bičhavde an o 27 oktomvri 2016 berš kote sikavena bari bibaht e tragično meribaske taro terno Rom so sine an o 18 oktomvri an o Žatec, Čehiakiri Republika.
Oso but faktia so trubul te len pe telel obligacia te šaj dikhel pe so si palal akale tragično čipotake ko vakti kana ka trubul odoleske periodi thaj laboratorisko analize so ka sikaven soske alo dži ko akva meriba. Respekta an i momentalno faza an o rodaripa me bičhavgjum tumaro lil dži ko Ministeriumi baši Policia an i Čehiakiri Republika.
Personalno me but sium bibahtalo akale meribaja thaj džanav kaj o relevantno legaripa iranav bari sama akale čipotake.
Respektea – Robert Pelikan
Ministeri Jurisdikciake an i Čehiakiri Republika,
tergjol an o agor ko antvorto an i hramosardi forma tari rog e Čehiakere govermenteske dži ko Presidenti an o IRU Zoran Dimov.
Akava si panda jekh fakti kaj o IRU aktivno opservirinela thaj kerel reakcie sa okova so si bibahtake e Romencar an o sa meridiania.
