O preperutne taro aver nacionalitetia si len niami an i pli čhib thaj lil, edukacia, informacia an i dajakiri čhib , thaj protektiva e kulturakoro identiteti.
Upral o nivelo taro respektiriba e hakoenge taro minjoritetia an i Srbia, oj si akana da an o EU. E ustavea thaj aver kakonencar kerdi si jurisdikciakoro pervazo so kerel protektiva olengere hakoenge.
An i Srbia trujal o Srblie isi panda 26 minjoritetia a olendar 21 si len ple nacionalno konsilia so keren buti aso o finasiriba taro govermenti e Srbiakoro.
I them kerel savala te implementirinel sa odola aktia taro nacionalno minjoritetia.
Majkoloritno nacionalno kotoar an i Srbia si i Vojvodina. Paše 1/3 taro 1.9 milionia dizutne an i anakaj pokraina si o nacionalitetia. Olendar majbut isi Ungarcia so si paše 290.000 . Palo olende sar numero si o Slovacia thaj o Hrvatia so gejnena 55.000 , Romancia, 30.000 , Roma 29.000 thaj aver.
Olendar 1/3 istemalkeren o kanoni ko kriseskoro transpaltori. Trujal o hrvatsko, makedonikano thaj slovensko translatoria isi an o aver čhibja sar so si albansko, romansko, bugarsko, romane thaj aver.
Translatori an i vlaško čhib trubul te ovel numa panda nane registririme an o Ministeriumi baši jurisdikcia an i Srbia.
…
