Nane kheliba jagaja! Tari normalno khelin e petardencar šaj te avel dži ko invaliditeto sasto dživdipa – alarmirinen o doktoria.
E neveberšeskiri baht thaj loš aso o bibahtalo džanlipa e pacientencar šaj lokheste te ovel sasto košmari. Sako Nevo berš thaj o aver baredivesa , an o Klinike baši plastično rekonstruktivno hirurgia an o Urgentno centria deše thaj buteder čhave agorkerena ratvarinaja ko vasta thaj ko muja so si kerde tari nalačhe istemalkerde pirotehnikane artiklia.
“O ratvarina ko vasta thaj ko muj so si kerde taro petarde jali aver pirotehnika si majbut ko akava periodi e beršeske, Tharde thana kontuzie thaj podesavo drom thaj amputacie. Ola preperen an i grupa sklopetarno jali eksplozivno ratvarina tari šastra , thaj ko asavke momenti majbut ratavrina si ko čhave. Sebepi nadžđanlipa jali nasmam odole pirotehinakaja so dikhen la sar artiklo khelibaske , so ko ovago dikhiba si interesno , numa bilačheste istemalkerdi šaj te ovel fatalno. Asavke ratavrinendar nane protektiva.
Jeria: Samaja e petardencar! Ko kurke sako drom roden pe petarde! O popularno “piratke” ko akava periodi e beršeske but lokheste arakhen pe ko kurke , ko droma ko prometno thana an i diz.
Si len standardno moldiu beršencar napalal, pa odoleske jekh boksi taro 100 petarde si paše 2 eura, numa keren panda šel problemia so lokheste khuvela pe numa phareste ikljola pe taro odola problemia.
