O meriba tari amari Esma Redžepova savorenge kergja sar trauma sar an i Makedonia agjaar an o Balkano thaj buvleste. Sine persona so sine respektirime kote te ovel sine. Olakere meribaske plo teksti sine e respektirime BBC. Ake so hramosargje ola, olake:
„I Makedonsko “Thagarutni e Romane Muzikake” si jekh taro avgo vokalistia so giljavena sina an i romani čhib, muli an o 73 berša.
I Esma Redžepova muli an o Skopje palo tikno vakteskoro numa pharno nasvalipa, aso i vakerin tari klinika thaj familiarno informacie.
I Redžepova sine an i Eurovisia sar Makedoniakoro membro an o 2013 berš a ko 2006 berš giljavel sine o intro an o filmi taro Borat.
Numa olate sine la thaj kariera so si upreder 5 decenie, kote so kerel sine ko jekh vakti maripa mujal o rasizmo thaj natolerancia taro diferentno forme.
I Redžepova ko jekh vakti kerel sine maripa e Romane džuvljane hakoenge thaj mujal o kritike an i olakiri kariera thaj i alusar te prandinel pe thaj te kerel buti e kompozitorea Stevo Teodosievski, so na sine tari romani populacia.
Olkoro humanitarno aktiviteto so buvlilo kote posvoingja 47 čhaven ko thavdipa olakere dživdipaske, sine nominirimi trin droma bašo Nobelovo phursako , a so o Roma Times.
I Redžepova si giljavgja ko sa o thana an i lumia an i pli sasti kariera , avgo drom sine havljardi sar Thagarutni e romane giljake an o 1976 berš an o Lumiakoro festivali e romane muzikake so sine an i India.
Pendžarutni prekal olakiri ekstravagantno garderoba thaj saste kontroliribaja plo zoralo krlo, sine la barvalo repertoari šel gilja hemime e tradicionalno Romane thaj Makedonikane muzikake taro moderno toni konektiribaja pop thaj elektronsko muzika, butikeribaja terne umetnikoncar taro sasto Balkano. “tergjol an o teksti taro BBC taro 11 dekemvri 2016 berš.
Link: http://www.bbc.com/news/world-europe-38283554
