“Nane so buteder te roda taro o Santa Klaus, akana isi amen sa” asajbaja vakergja i 14 beršengiri Adrijana prastajbaja ko kher.
Snežana Rofa taro Titel, Srbia thaj olakere 6 čhave ale ko olengoro nevo adaptrimo kher akana so si renivirime telal o suporto tari fondacia “Blic”.
I Adrijana akana si bahtali so olakiri soba si an o pink kolori. Oj thaj olakiri phen tari Forma ideale” resle thaj mebelo ko odova koloritio a olakere phralja si an i vunato koloro.
I daj i Snežana dikhela sakote ola kote phirena taro pire čhija so dikhena sa so si olenge reslo.
– An i jekh soba ka oven i Adrijana, i Jovana, i Zorana, i Ana thaj me, vakerel i daj i Snežana. Oj dopherela kaj an i aver soba ka oven o čhave o murša o Vojislav thaj o Andrija. Akana sium but bahtali soske ka ovel šukar olemge da. Amende na sine amen ni toaleto thaj than nanjaribaske, thaj sako drom sine amenege šudro, akcentirinela i Snežana.
