Palo tikno thaj pharo nasvalipa an o 73 berša an o Skopje muli i pendžarutni thagarutni e romane muzikake, humanisti thaj jekh taro majbare aktivistia thaj prezentero e Romane aktivititezmeske sakote an i lumia, Esma Redžepova Teodosievska.
Te vakerel pe so dži akana kergja i Esma e Romane naciake trubul but vakti.
Numa importantno faktori an o Romano aktivizmo si fakti kaj i Esma Redžepova so an o jekh periodi sine aktivno delegato thaj membro an o Presidiumi an o IRU. Ko sa dži teganutne aktivitetia notirinel sine kaj o IRU sar internacionalno organizacia trubl te tergjol zorale an o aktivitetia e Romane ontereseskean i lumia. Olakere meribaja na agorkerel i misia tari Esma. Sar so notirinel o korkoro presidento an o IRU ko olakoro paruniba an o Skopje lelja than thaj dengja sapakjiv dži olakere paše ko oleskoro anav thaj anav taro IRU. Ov angja thaj lulugja thavj vakergja: “I Esma Redžepova sine jekh tari funda e akanutne IRU-ske. Olakere idealia akanutne thaj avutne generacienge an o IRU trubul te ovel drumo bašo majodorig ” vakergja o Zorna Dimov.
Ko jekh an o lakoro paruniba than lelja o majučo politikane anava an i them legarde taro džiakanutno premerio Nikola Gruveski, membria taro romano politikano bloko, pendžarutne stradno anava thaj baro numero aver mala, thaj fania so kamena sine e Esma Rdežepova.
