Ko avipa e Parlamentarno alusaribaske 2016 an i RM, o Romalitiko kergja jekh forma taro anketa. Aso o egzamplo taro 128 anketirime dengje džovapi na i akaja anketa. O informacie si pakjavutnipaja taro 95% thaj marginaja taro kerdo feleri +/- 7%.
An o kotor taro rodaripa sine thaj pučiba an i forma: Romane politikane partie dali phergje o dende lafia ki paralela taro nakhle alusariba. O rezultatia taro akava pučiba notirinena 69 anketirime kaj na phergje o dendo lafi, 26 anketirime saste na pakjana kaj phergje o dendo lafi, salde 7 vakeren kaj phergje o dende lafia. Majodorig 4 anketirime saste pakajana a 22 anketirime pakajana numa kotorvale.
Aso o dende antvortia ko akava pučiba šaj te notirinel pe kaj o anketirime nane pakjavutne kaj o politikane partie phergje sa okova so dende si sar lafia ko nakhle alusariba.
Ko jekh maškar o pučiba sine thaj : Buteder Roma na ikljovena an o hangiba, savo si i šerutni karana akaleske?
Aso o rezultatia ko akava pučiba šaj avel pe dži ki konkluzia kaj duj karane si šerutno faktori soske o Roma na ikljon an o hangiba a odova si 42.2% a nazainteresirime si 33,6%. Trujal akala duj karane 9.4% taro anketirime na ikljon soske nane len čačutni politikani opcia , 6,3% taro anketirime olengoro individualno hango nane te kerel diferencia.
An o avutno linko i sasti anketa šaj te dikhen kerdo taro Romalitiko :
