O udar kote hramosarela sine „Arbeit macht frei“ (I buti tromarela) so sine čordi an o agor taro 2014 berš ko khujba e nacistikane konc logoreske Dahau, “but pakjavutne” arakhle si an i Norvegia, havljargje an o paraštui i policia tari germaniakiri unimi them Bavaria.
„Pali anonimno havljarin i polcia an o Begren arakhe thaj lele o udar taro sastr kote sine pendžardo prekal o harmosardo kotor” vakeren tari germansko policia , teloikeribaja tari informacia an i fotografia.
I policia bizo sikceso dela sine phursako taro 10.000 eura baši dendi informacia akale udareske, so sine čordi an o 2-to Noemvri 2014 berš . Akanaske nane informacie ko si o šubikerdo čor.
Panda jekh udar taro nacistikano logoro odole harmaosaribaja sine čorde anglutne. An o dekemvri 2009 berš o harmosardi parola „Arbeit macht frei“ sien čordo o udar taro eks konc logoro an o Aušvic kote o germansko fašistia kergje le an i Polska. O nacistikano aktivisto Anders Hoegstrom soske an o dekemvro 2010 berš sine krisime ko duj berš thaj 8 masekoa phanlipa , a o hulavdo ko trin kotora hramosardi parola sine arakhel thaj reparirime an o 2011 berš. O Dahau arakhela pe an i germansko diz Minhen a phravdo si an o mart 1933 berš , majsig palo aviba an o legaripa kote sine phanle okola so sine kontra o Trinto rajho , a palo odova aso nacistikani rasno doktrina trubul sine te eliminirinen pe okola sar so si o jaudie, Roma thaj aver.
Pobuter taro 200 mile manuša an i sasti Europa sine phanle an o konc logori Dahau, so sine modelo aver konc logorenge so o nacistia kergje len ko periodo taro 12 berš legaripa. Notirinela pe kote an o akava logoro mule 41.500 manuša, angleder te ovel tromaldo taro amerikansko askeri an o april 1945 berš.
