Liparibaja oe Lumiakoro dive bašo mariba mujal o AIDS i HERA, Nacionalno koordinatvno mehanizmo baši HIV-AIDS thaj i tuberkoloza ” Barabutne majzorale” thaj i Platforma bašo ikeriba o programe baši prevencia , sevdža thaj suporto taro HIV avdive thaj javinate an o Skopje ikerel pe Regionalno mitingo tari Utarpurabali Europa bašo HIV.
An i konferencia than lena 50 memvria taro ofto thema an o regiono. I resarin e mitingoske si te formirinel pe regionalno koordinativno mehanizmo so ka kerel buti an o ikeriba e HIV programake an o thema taro Utarpurabali Europa.
E lumiakoro dive mujal i AIDS (World AIDS Day)si formirime thaj akceptirime taro 140 thema an i lumia an o Lumiakoro samito an o London ko 1988 berš. Odova berš e Lumiakiri sastipaskiri organizacia havljargja o 1-to decembro sar Lumiaikoro dive bašo mariba mujal i HIV-AIDS so taro odova momenti ov notirinela pe ko paše sa o thema an i lumia.
