I edukacia an i romani čhib elementencar taro nacionalno kultura implementirinel pe ko 15 dizja thaj komune an i Srbia, numa majtikno procento si ko pobare dizja, sar egzamplo o Beograd vakerena o džovaplime.
An i konferencia ko EU info centari an o Beograd an i “Presentacia e resibaske tari inkluzia e Romenge” sine vakerdo kaj i edukacia an i romani čhib an i Srbija sikljhovena la 2.264 sikle thaj majbaro procenti olendar si taro majtikne regionia. Akcentirime si kaj i edukacia sar profesoria keren la persone so si len agorkerdo Filozofvsko jali filološko univerziteti thaj studenbtia ko odola fakultetia. Te šaj keren buti sar edukatoria ola trubul te ovel len sertifikati taro Filološko fakulteti an o Beograd te šaj pheren o šarti te educirinen pi romani čhib.
Sar problemi si akcentirime nanipa edukaciakoro materiali -lila thaj na baro interesi taro škole thaj e školakere ofisia te keren bajraripa an o numero sikle taro romano nacionaliteto so ka džan an i edukacia pi romani čhib.
