Erati ko drom Ovčepolska ko Šuto Orizaru ko javinakere saatoa jekh kher sine astardo bare jagaja . Bahtake trujal o materialno ziani, na sine manušikane viktimia jali ratavrde.
Aso vakeriba taro familia kaskoro so kher thabilo i jag astargjape taro čuče thana kote so na koristinena grejno telo, thaj korkori pestar taro jek drom tabljona sine o šeja kote so diklja i čhaj tari odoja familia. Palo odova ko sig vakti astargjape i jag ko sasto kher kote si kerdi zijani vakertuke sa so sine andre.
Ko sig vakti iklile sarine avrijal thaj akhargje mujal jagalipaskiri brigada kana ali salde ačhavkergja i jag te na buvljol pobuter . Numa angleder pobuter 80% si kerdo o materijalno ziani.
Ko akava kher dživdinena 5 džene save ko akava momenti trubul lenge suporto sar finasisko agjar thaj materialno, hajbaja soske i jag sa lelja pali peste.
Ola arakljovena ko drom Ovčepolska numero 35 palal i Fundavni škola “26 Juli”.
Apel dži humana dizutne, politikane subjektia, biznismenia te den arka akale familiake ko akala šudre dive te shaj ikljovena ko agor akale bare bibahtaja.
