Sar so informirinen o mediumia neveberšeskere elektrikane spektakloske o Beograd so čhivel duplo numa persi berš ko pherdo lokacie an o Beograd, duj masek anglal o nevo berš. E dizjakoro šerutno taro Beograd vakerel kote o Beograd nikana na sine majlačho thaj vakerel kaj dengje but love, numa o deiba love akaleske si bašp majšukar turizmi. I diz Beograd dengja pobut taro 1 milionia uera te kinen pe neve atraktivno lambe dži kote trin masekongoro hardžiba i elektrikani energia odole periodoske ka ovel paše 200.000 eura.
Ko jekh dela pe o pučiba dži kote o Beograd bašo Nevo 2017 berš dela upreder 1 milionia eura, i romani mahala an o Niš, Crvena Zvezda kote sebepi borči taro 200.000 eura, kote majbaro ktor si sebepi kamate thaj salde duj električno saatia gejnel i hardžimi struja ko 100 romane familie 3 masekoa si bizi elektrika. Ko periodi so nakhlja baro numero funkcioneria dengje lafi kaj ka faislakerel pe akava problemi thaj ka nakhavel pe, numa panda si o problemi odothe.
Ko lafikeriba e lokalno Romencar dikhel pe kote olengoro morali si ko agor soske ki odoja romani mahala isi but nasvale, phure manuša, čhave so dživdinen ko nakonvencionalno šartia dživdipaske ko karanluko.
Numa kisakodiveseskiri komunikacia e dizjakere šerutnea an o Nip thaj i Distribucia tari Srbia si konstantno numa nane rezultatia.
Link: http://romaworld.rs/?p=3141
