O Džogani si pendžardo Rom an i balkaneskiri muzikakiri estrada kote si le but pendžarde hitia. Ko jekh pendžardo si thaj prekal oleskoro densersko džanlipa. Numa pohari si pendžardoi kote ko periodi taro 80-to berša taro nakhlo veko i kariera startungja la sar denseri ko diferentno dens šampionatia.
Ko 1981 berš ko teganutno Lumiakoro šampionati ko disko dansi an o London sinen sar reprezenti e Jugoslaviake telal o anava Hamit Džogani.
Ov ko odova lumiakoro šampionati lelja o 7-to than . Ko jekh ko rangiriba ko odova dens šampionati ov odothe reslja i titula sar majšukar denseri an i Europa.
“Me najanglal sium sine palo sporti thaj trenirinav sine atletika ko klubi C.Zvezda, . Sium sine em trinto ki Jugoslavia ki disciplina 2000 m stipl čez ki juniorsko konkurencija. Sine man jekh kamli so but mangel sine diskoteke. Oj ko nilaj 1979 berš akhargja man laja te džav ko disko. Dži tegani sine man sportsko dživdipa. Oj odoja rat lelja amn thaj angja man ko podiumi, thaj džangjum kaj isi man hoši bašo ritam thaj muzika. Palo 7-8 masekoja konstantno džajbe ko diskoteke počmingjum korkoro te kerav disave disko efektia thaj figure,. Dikhle man desave manuša so formirinen sine desavi dens grupa ko odova periodi thaj agjaar startujngjum. Odtegani lhuvgjum ki šema ko buteder disko ritmia sar so si brejk dens thaj aver moderno aktuelno dansia ko periodo taro 80-to berša. Agjaar startungjum thaj pakjava sine kaj ka kerav neštp baro” vakerel o Džole Džogani bašo plo disko start kariera.
