O majtikne čhave an o droma si tikne nekobor masekoja, o majbare isi len po 18 berša. Trao 236 čhave, 114 si murša, 122 si džuvlja. Majabro numero si romane čhave 228, 5 Khoraja, duj Makedoncia, thaj jekh egipkjani.
Prekal o agorutno rodaripa taro nacionalno obdusmani, an o 17 centria bašo socialno butikeripa an i them ki paralela e 2011 beršea isi tiknjaripa ko olengoro numero, numa isi registririme čhave ko droma ko 6 neve dizja.
Majbaro numero olendar čhave ko droma isi ko Skopje 113, palo odova an i Bitola, Kumanovo, Veles, Gostivar, thaj ko Kičevo. Pohari taro 10 čhave an o drom isi ko Resen, Gevgelia, Vinica, Strumica, Kavadarci, Štip, Negotino thaj an o Prilep.
Prekal o nacionalno obdusmani Idžet Memeti, te arakhel pe faisali e problemeske e čhavenge an o droma si savala sa e isntitucienge so keren buti ki protektiva e čhavenge.
Prekal o lafia taro nacionalno obdusmani sikavel kaja akala čhave an o droma preperen e familaie so si socialno teleperavde. Majbaro numero taro odola čhave nane astarde ko edukaciakoro proceso, soske nane len kompletno dokumentacia, thaj nane evdientirime ko matično lila bianipaske.
