Kana o Roma ka učten jekh nivelo majupre?
Kana o Roma ka nakhaven pe korkoro peste?
Kana o Roma ka oven faktori an i R.M?
Kana akava, kana okova, kana-kote, sar?
Milioni pučiba, a antvorto…?
Bizi holi thaj teleperavin, numa an i jekh then kote džanaja ki savi si pozicia an i europakiri thaj lumiakiri lista, so šaj udžarel pe thaj taro korkoro Roma so si kotor tari odoja them.
O korkoro lideria, legarutne e themakere politikake si “ajnja” odole naciake so dživdinel odothe.
Džanaja kaj o “eftino paramisia” taro lideria, si sar memori čipi ko amare šere. A amen palem sa odova konzumirinaja. Odova si thaj ko Roma. Nane amen kapacitetia bašo “majlačhi javin”, nane amen idea bašo”sar majodorig”.
Na pendžaraja o lafi – majuče targetia, resipa thaj prioritetia! Asavke siem thaj amen da! Bizi holi numa majpaše si amenge thaj interesno i parola:” Avdi avdiseske, tajsa sastipe, nevo dive, nevi nafaka – berikjeti!
Dži kana agjaar? Koj montiringja amenge andre odova mentalno konstrukcia?
Talenti te improvizirina 10!
Talenti te nakhava o dživdipa 10!
Talenti bašo čhibja- poliglotia 10!
Talenti baši adaptacia 10!
Talenti bašo sadživdipa,nataliteti, muzika, kheliba, sporti, kultura, tradicija, religija, akteria, emitacia, lucidnost, hajgara, biznisi thaj aver momentia bari 10!
Numa talenti bašo DIGNITETO sasto ZERO – NULA!
Aj agjaar te phana amaro lafi Romalen! Hovavgjan man jekh drom – te ladža, hovavgjan man dujto drom -te ladža, ama te hovavgjan man trinto drom – te ladžav korkoro mandar!
Ovela li?
