Jekh srpsko magazini hulavgja jekh interesno storia jekhe Romeske taro beograd, kote diveseskoro khedel kartonia, a rakjate so majšuže džuvlencar taro Beograd.
Odoja storia džal agjaar: “Angleder nekobor kurke ko jekh cafe bari rakjate zapendžargjam amen e Džitaja taro Abu Dabi , pilem po jekh pijaloko thaj hulavgjam amen. Amen vakergjam amenge -“ake panda jekh stranco an i diz”. Sa ka ovel sine bisterdo dži kote odova Džita taro Abu Dabi na dikhljum le o aver dive sar khedel kartonia ko Nov Beograd! Majnaglal lungo dikhav sine oleskoro muj, napakjajbaja kaj si čače ov!. Aljum paše dži oleste a ov vakergja mange…
:
– Khedava kartonia soske trubul manuš te dživdinel tari desavi buti, a te mangav devlenge jali te čorav, na mangav te šunav asavke bukjake! Kartonia khedav sasto mlo dživdipa thaj pherdo džanena man taro akaja buti. Oleskoro anav si Turban thaj dživdinel ki beogradsko zona 2Me sem korkoro, nane man ni phralja ni phenja, mi daj muli terni a mo dat lelja avere romnaj thaj ačhiljum korkoro. Nane man ko dumo aver neko thaj dživdinava taro akava so khedava kartonia thaj lava socialno lovengiri arka., thaj bešav korkoro ki jekh baraka.
O Turban vakergja kotar leske i šuži thaj kuč garderoba so khuvela ko odola kafe bar lokalia an o Beograd.
– Jekh rakj kana bikjingjum o kartonia, ko iraniba sine desave kontejneria kote geljum te dikhav so isi andre. Arakhljum jekh pobari kali kesa, a kana phravgjum la odothar iklile, nekobor lačhe thaj šuže odelia taro “Armani”, “Dolče” thaj nekobor kuč lačhe kondure. Geljum mange khere nangiljum, čhivgjum mange parfemi thaj uravgjum man thaj geljum ko splavia ko Beograd. Ko udara sako drom isi asavke tipia so dikhena ko sar si uravdo te šaj khuvel, me da telel o muj brblingjum nešto anglisko čhib thaj khuvgjum mange.
Tegano o terno Turban počmingja pli khelin. Kana khuvgjum dikhljum 2-3 terne lačhe džuvlja. Sine man kobor-odokhare te pukjinav lenge po jekh pijbe, thaj ola odma astargjum la. Importantno si ma te haven ko sian. Me olenge anavkerav man sar kaj sium tari Abu Dabi a ko vakti kana keraja lafi thaj komunikacia nekobor droma ka akcentirinav nesave luksuzno lafia sar so si ” mercedes” “Armani” thaj aver.
Ko pučiba, a kaj legarela e džuvlen, ov vakerela kote sako drom arakhela forma ma te džal an o hotelia lafencar ko angliski ” hotel hotel dont nou dont nou” tegani ola ki disavi forma sar te “žalinen man nesar” thaj legaren man ko olengere khera!
Akaja storia taro Turban si interesno soske alo vakti kote o lafia “Abu Dabi”, “Armani” , “Mercedes” thaj aver sikavel i realno percepcia taro baro čorolipa o džuvlja keren sa odova.
