Aso o informacie taro NGO sektori so keren buti an i akaja problematika, manuša bizo themutnipa -Apatridia arakhen pe bare problemencar taro sako aspekto an o dživdipa.
Asp p omfo ola ko momento si 1.000 numa sa odola si relativno numeria, taro fakti kote o numero si variabilno thaj odola si manuša so rodena suporto, thaj olengoro numero si majbaro.
Napendžatipa o kanonia, nanipa love vash administrativno procedura si šerutne faktoria so na aplicirinel pe bašo tehmutnipa. An i them isi thaj dujto generacia taro Apatridia so sikavel kote olengiri anglutni generacia nane len themutnipa.
Trujal odova sisi čhave taro apatridia so si biame an i Makedonia numa nane evidentirime na o matično lil taro biame.
O Kanoni bašo themutnipa si kerdo aso internacionalno konvencie thaj anglal sa baši protektiva akale manušenge e kanonea so kerel te lokharel i naturalizacia jali dži kote i naturalizacia e strancinge si 8 berša akale manušenge trubul te ovel 6 berša, kanonikano permanentno dživdipa an i teritoria tari R.M. , odova na sikavel kaj trubul te dživdinel salde an i teritoria ki R.M. numa berš palo berš kontinuirimo te regulirinel piro statusi.
Majbari barikada akale personenge si taro finansisko aspekti, soske te ikavel sertifikato vash dživdipa valjani 50 eura administrativno taksa. Majbut taro akala manuša si taro socialno riziko , a aver rigatar te na apliciringje ko vakti baši regulacia e dživdipaskere thaneske, avel dži ko ćhonavipa, thaj palem trubul te pheren 6 berš kontinuirime dživdipe lokharibaskere naturalizaciake. Aso o membro 3 ko Kanoni themutnipaske an i Makedonia themutnipa reslea pe e: jeripaja, bianipa an i teritoria, anglobianipa thaj internacionalno kontrakto.
