” Siu amen baro problemi an i inkluzia e romane jekhinake soske majodorig ola dživdinen an o margine dživdipaske thaj si jekh taro konkluzno problemiaso isi baro bibukjarnipa an i akaja jekhin. Trujal o kanoni vash i buti dela garancie bašo integriteti akale jekhinake an o institucie abn o Kosovo, odoja kvota na respektirinel pše “vakerela o presidenti taro “Hango e Romengoro Aškalie thaj Egipkjania” Isak Skenderi.
I reakcia thaj o bičalipa so sikavena akala nacionalnostia si o revolti thaj maripa ple hakoenge, soske taro institucie na udžarena pobuter.
„Džanlipaja kobor buti kerena thaj sar keren o institucie an i them na udžaraja aver olendar, numa majimportantno si so avgo drom akaja grupa manuša organizirime sikavgje plo revolto thaj reagirinena aso olengere hakoa.
Odova si notirimo targeti thaj kerel pe zori te aktivirina akale manuđen te roden ple hakoa bašo jekh normalno dživdipa! vakerel o Skenderi.
Kana kerel pe lafi bašo šanse , o Roma, Aškalie thaj o Egjipkjania si majmarginalizirimi grupa, kana kerel pe lafi baši buti, vakerel o vice komunakoro majoro tari Gračanica o Sebastian Šerifović, dopheribaja kaj i situacia an i akaja komuna si aver čhane.
” Te kergjem jekh komparacia aso aver komune, an i Gračanica i situacia si aver čhane numa našti vakerav kaj si sa lačhe. Amende majodorig isi amen panda problemia , o manuša si bizi buti thaj ko periodo so avela trubul te arakha lenge buti” vakerel o Šerifović.
O Roma, Aškalie thaj o Egipkjania tari Priština majodorig ka keren reakcie thaj organizirime ka sikaven pli holiu dži ko institucie an i priština anglal e Kosovakoro Govermento.
Link: http://www.radiokim.net/vesti/drustvo/romi-askalije-i-egipcani-traze-posao.html
