Aso o fiso vash i statistika šanda taro 2013 berš apsolutno linia e čorolipaske an o Montenegro legarel sine 185 eura a telel odoja linia o aver 9% taro dizutne Numa o majneve rodaripa zojarkerena kote sako trinto dizutno an o Montenegro si čorolo!
Trujal o aver dizutne an i odoja kategoria manuša ko čorolipa so gejnela 70.000 dizutne an o Montenegro , 90% olendar si thaj o Roma so o dive nakhaven le salde duj euroncar!.
Ni jekhe nane le socialno siguriteti, nuteder nane ki buti thaj okova tikno numero so si an i buti si kontraktea ko limiritime vakti thaj si bizo siguriteti thaj sako momenti šaj ačhona bizi buti.
Akava anela ko pučiba o siguriteti akale nacionalno minjoriteteske thaj olengoro avutnipa.
Aso sa o parametria , o Roma si jekh taro majteleperavde kategoria dizutne an o Montenegro, thaj nane nesavi zorsali strategia so ka arakhel pe decizia akale socialno nasiguriteteske e dizutnenge konektiribaja thaj e Romen.
