O migrantia an i Bugaria keren socialno konfliktia. O Roma si holjame sebepi so o Sirijcia thaj o Avganistancia an i kontrola taro dopherde policajcia a o Frontex ačhola nanotirime.
Šajdutni komentari si kaj o Mitko kaste isi le hari makalo teni an i morthik thaj odova si notiriba taro policajcia kontinuirime te keren leske kontrole. Ov thaj aver da Roma taro Harmanli si len asavko džanlipa: “So rodena akate, ki periferia e dizjake pobuter taro 100 berša si akate o Roma, numa na imigrantia. Soske amende sako drom kontrolirinel i policia?”
Ola odova sikaven ki jekhutni forma: i policia našti kerel diferencia maškar o Roma thaj Avganistancia jali ale salde te daraven e Romen. Ko kerde akcie odokhare daravkerena e Romen , thaj len akcie ko plo vas jali mujal o Avganistancia a ko jekh thaj mujal o Roma , so na nakhena šukare. Ola sa akava vakerena a e policakere vordona non-stop keren kontrole trujal olengere khera.
O manuša ki kafana ko romano kotor taro Harmarli kote majbut keren lafi ki turkiakiri čhib vakeren kaj i policia reslja angleder desave kurke kana sine mariba an o imigranstko kampi. So legarel pe dži ko emigrantia jekh vakerela: “trubul lende te palden” . Sa ola si biame ččhirikencar ko ple džepe thaj si but bilačhe manuša”. Jekh majterno murš vakerel kaj na daral olendar , numa si holjame soske oleskiri romni darala te ikljol taro kher kana ka perel rakj.
Sostar daran savore?. Sare ola vakerena: o migrantia si terne murša. phiren ki grupa thaj ni jekh na havela so keren lafi, a e džuvljen dikhen len nesar aver čhane. O Martin dopherela: ” Dži akana na ulo khanig, jali?. O Martin si rariteto. Ov sar siklo ulo amal jekhe Sirijcea. Oleskiri daj sine kontra odova , numa oj pomukhlja kana o Sirijco anavkergja la sar “ane” – so ki transkacia an i turkiakiri čhib si – daje.
