O kher kote si biame o Adolf Hitler ka ovel peravdi thaj ko olakoro than ka kerel pe nevo aprtamni so nane te ovel nisavi konekcia e nacistikane diktatoreske , vakergja e austriakoro govermento ki mangin te eliminirinel o objekto so ulo sar kultno than e neonacistenge.
Ko legaripa an i Austria si i Social demokratsko partia thaj i ventrističko Nacionalno partia, so den suporto e planeske . thaj ko jekh butder opozicisko partie , thaj udžarel pe kaj o votiba ka ovel salde formalnost.
O PR taro ministeriumi Karl Hajnc Grindbek vakergja kote trujal o fundamento e khereskoro nane avre te ačhol taro odova kher ki paščimali diz Braunau thaj ko olakoro than ka ovel kerdi nevi struktura.
Ko nevo apartmano ka oven o neve ofisia taro Govermento jali i socialno agencia vakeren taro ministeriumi. I Romani thaj e Jaudiengiri jekhin an i Viena dengje suporto e preavibaske taro trin etažengoro galbeno kher kote si biame o Hitler ko 20 aprilo 1889 berš. Numa desave histirčaria esapinen kote o kher thaj o apartmano kote hari vakti dživdinela sine i familia taro Hitler valjani te ovel arakhli soske si jekh taro okola ačhavde strukture so si konektirime e nacistikane liderea.
