Maškarutne beršengiri Beogradžanka hulavgja jekh interesno momenti so sine la jekhe 7 beršengere čhavea taro romano nacionaliteti.
Odole momenteske oj vakerela: “Ikliljum taro marketi a šunava pire pali mande. Irangjum man thaj dikhav tikno romano čhavo sar prastal pali mande. Teto, teto pelo to novčaniko!. Lava o novčaniko na pakjava ko me jakha so dikhava. Phrava o novčaniko a sa o love odothe ko plo than.
Ikava 1.000 dinaria dava e čhaveske, a o tikno vakerela: ” Na, na mangava, na valjani mange love, šaj li te de mn jekh banan so si tut an i kesa, soske nikana na haljum banana”
Mo ilo stegingja pe. Ikavgjum sa o banane tari kesa thaj dengjum len leske. Ov sine but bahtalo, a me iranavman mange te džav khere panda napakjajbaja so ulo akava. Panda jekh drom akahargja man lafea “teto” a kana irangjum man ov agjaa šmekerski phanlja mange jakh thaj vakergja: ” Aved drom dikh ma te našave palem o novčaniko, soske nane seko te iranel tuke o love” thaj gelo peske.
Lačho tikno šužp čhavo majodorig sium telel impresie – vakergja akaja beogradžanka.
