Ko gav Deronje ko pašipe taro Odžaci, oendžardo premal o tamburašia thaj but filmia so si snimime odothe, pendđžardo si thaj prekal o Roma so dživdinena beršencar ko odova gav. Prekal i statistika odothe isi 350 Roma. Sebepi olengoro numero ko gav Deronje i romani čhib sikljola pe pubuter taro 20 berša ko škole, dži kote an i Srbia o avgo aktia kerena pe akana.
Paše ofto berš i Maja Jovanović e siklen seljaminkerel an i romani čhib. Oj na salde so educirinel e čhaven e romane čhibjake, oj si literati thaj si jekh taro majaktivno Romanja an i Srbia. I edukacia lake si buteder nego profesia. Ko educiribe dela suporto okolen so na sine len šajdipa dži akana te sikljoven i romani čhib thaj i historia ple naciake so na šubgje ko aver than.
1/3 taro sikel an o gav Deronja si Roma. Taro barabutne 44 čhave , 33 olendar sikljona i romani čhib. Ki akaja škola i romani čhib sikljola pe paše 20 berša . Taro akava sikljojbaskoro berš an i sasti Srbia o sikljoviba romani čhib elementencar tari nacionalno kultura si sar alusardo predmeti a šaj te sikljoven le sa o zainteresirime sikle an i Srbia.
Šarti kote majhari trubul te ovel 15 zainteresirime sikle dži akan isi ko 70 škole. Odolea paše 2.700 čhave ka sikljon i romani čhib. O Nacionalno Romano Konsilo kergja standardizacia e čhibjake thaj arakhlja kadari thaj lila. I them numa na phergja i savaka a odova si čače te implementirinle i anketa maškar o sikle.
O Ministeriumi vakerela kaj o numero e siklengoro so na notiringje pe si doš taro Nacionalno Romano Konsilo thaj o NGO so na kergje majbari motivacia maškar o jeria thaj o čhave.
O rodaripa sikavela kote jekvaš taro Roma an i Srbia na keren i romani čhibb . Odoleske o sikljojbe i romani čhib ko škole ka kerel te arakhel pe p nacionalno identiteti e Romengoro.
Link : http://www.rts.rs/page/stories/sr/story/125/drustvo/2482475/romski-jezik-kao-izborni-predmet.html
