O odborniko e dijkare komunake Leskovac an i Srbia o Živoin Stefanovič akcentiringja kote majpakjavutne nane te lel than ki avdisutni Utsavali akademia kerdi sebepi 11-to Oktomvri, dive taro tromalipa taro Leskovac, sar revolti soske na arakhel pe dicizia thaj faisali e romane limorenge taro lokalno legaripa, havljarel akaja informacia o regionalno žurnalistikani agencia JUGPRESS.
O Srefanovič vakerel kote akava problemi panda nane faislakerdo pa odoleske o Roma ple mulen počmingje te parunen ko privatno phuvja- nive, kote jekh olendar si taro korkro Stefanovič thaj oleskiri paše famila, a o ofisia panda na keren khanči te faisalkerel pe akava problemi so si duplo.
„O manuša nane kote te parunen e mulen a i diz na kerel khanči, aso kanoni te arakhel neve parcele parunibaske mthaj o neve parunibaskere thana si ko neve parcele ki privatno phuv so isi len ple gazdia” vakerel o Stefanovič
Link: http://rominfomedia.rs/zivojin-stefanovic-grad-ne-resava-problem-romskog-groblja/
