Olakoro anav si Nikoleta jali Tato si la 6 berša thaj dživdinel Romea thaj Romanjaja an i romani mahala ko pašipa e grčko dizjake Larisa. Palo resle informacie thaj policiakoro rodaripa sine zojrakerdo kote akava naprandimo pari nane olakere biološko jeria . O 41 thaj 42 beršengere Roma sine phanle a i policia prekal i vaktavin havljargja o foto e čhajakoro thaj rodel suporto taro dizutne.
E tikne Nikoletake jali sar so akharena la Tato nane nisave informacie. Ni sar arakhlja pe ki akaja romani mahala, thaj ko si olakere biološko jeria. Kerel lafi romane thaj hari grčki so sikavel kote i čhaj lungo vakti dživdinel sine e romencar. O Roma so si phanle ka oven krisime bašo kidnapiriba tikno čhavo thaj ola na keren dialog e policiaja. Majnaglal vakergje kaj i čhaj si olengiri, palo odova kaj si olengere phralengiri čhaj thaj palo odova na dengje nisavi informacia.
Kana an i policia ki Larisa reslja inforamcia kote ki jekh romani mahala isi čhaj so dživdinel manušencar so nane olakere jeria, sine rodime majanglal ko olengoro aprtmani thaj sine arakhle 29 gramia hašiš, hari kokain thaj jekh 34 beršengoro manuš kaste rodel sine i policia.
Kana mangle te phanen le našlja čorobaja vordon kote palo odova sine arakhlo. O naprandimo pari thaj olengere amala ka den džovapi bašo kidnapiriba tikne čhaveske , čoriba thaj droga.
I čhaj si ki šukar sastipaskiri situacia , oj si ki larisakoro hospitalio a i policia rodel e biološko jerien.
Faktea kote an i Grcia nane notirime našaviba čhaveske m si šubikerin kaj i Nikoleta si jekh a jekh akti sar okova angleder 3 berša kana i tikni Maria sine andi tari Bugaria.
Со оглед на тоа дека во Грција не е пријавено исчезнато девојче, постојат сомневања Ko noembri 2013 berš an i romani mahala sine arakhli čhaj so na sine nikaskiri thaj o DNK analize notiringje odova. Palo hari vakti an i Bugaria sine arakhle o biološko jeria e teganutne 4 beršengiri Maria.
