O legardo e listake taro deputatia taro SNSD Bjelina , o Nedeljko Čorić akcentiringja kote ko dujtodi, 11 Oktomvri anglal e Dizjakiri Komuna an i Bjelina ka ikeren tromalo protesti taro simpatizeria e koaliciake ” I Bjelina viktoririnela” sebepi alusaribaskere manipulacie.
O Čorić vakergja kaj i Koalicia si la but faktia te šaj sikavel akala manipulacie an i Bjelina.
– Džanaja kaj o protestia ka oven masovno thaj ka aven but manuša . O protestia ka oven tromalče ka kontrolirina len thaj ka sikava amaro takati – vakerel o Čorić an o pres.
Ov vakergja kote i Asociacia e Romengiri ” Unime phralja” tari Bjelina bičhavgja rodipa dži ko dizjakoro šerutno e Bjelinake o rajo Mičo Mičić te iranel olenegere lično karte so sine lende baši desavi dokumentiriba e romenge, so sine dende anglal o alusariba an o oleskoro ofiso taro SDS an i Bjelina.
– Rodena te iranen pe olenge o 78 lično karte . Sa akava sar so vakera sine an o amare pres konfrenecia anglutne kerel pe sine bari presia upral amare simpatizeria thaj akana trubul te dža ko akala tromale protestia, thaj te vakera kj o dizutne tari Bjelina nane pativale akalea so ovel ki amari diz – vakerel o Čorić.
Ov notirinel kote rubul “klar te vakerel pe – NA savore okolenge so mangen naregularno alusariba.”
