Erati an o hoteli “Kontinetal” ko Skopje, o Web Portali “24 Vakti” thaj i “3Pix Media”, utsavlkergje plo jekhto biando dive. Ko kokteli anglal o misafira o timi taro “24 vakti ” thaj “3Pix Media”, prezentiringje pire džiakanutne aktivitetia thaj resipa a ko jekh thaj o avutne plania.
Ki akaja čipota trujal akahrde misafiria taro NGO sektori, mediumia, paše manuša thaj amala, than lele thaj kotor taro romano politikano bloko. Odothe than lele taro SRM, barabutne e deputatea o Amdi Bajram, thaj e dizjakoro šerutno e komunake Š.Orizari o Elvis Bajram, o presidenti taro SRM Šaban saliu, membria taro DSRM e presidentea Miljazim Sakip, kotor taro učo legaripa tari partia ROM thaj aver.
Maškar o akharde misafiria sine thaj o Presidento tari Internacionalno Romani Unia – IRU o Zoran Dimov.
Trujal o utsavalo konkteli, kotor taro misafiria tari rog e Legarde direktoreske tari “24 Vaktia” o Sali Memed sine dende thaj plakete vash dži akanutni korespodencia thaj buti.
