Prekal o rodaripa taro NGO ” Rosa” prekal 20% tari Romani populacia geli peske taro Leskovac ko agorutne duj berša. Majbaro problemi so džana peske o Roma tari akaja srpsko diz si o ekonomsko thaj socialno hali thaj i na ospervacia taro o sasoitnipa thaj nasikaviba interes e problemenge.
O prezidenti e organizaciakoro o Zoran Saitovič akahrel sa e Romen taro Leskovac te keren politikano jekhipa te šaj formirinen pli politikani partia.
“Te khivgje o Roma ko institucie taro lokalno karakteri, majanglal thaj ko Parlamenti ka šaj te sikven o realno rpoblemia so arakhen pe o Roma tari akaja diz. Soske ma te kera te oven membria ko Konsili e dizjake Leskovac, jali desavo direktori ko Cenatri baši socialno politika a no Leskovac?. Amende nane amen ni jekh membro ko institucie e dizjake Leskovac ” – notirinel o Saitovič.
Ov notirinel kaj e Romenge an o Leskovac sako dive si sa majpahre.
Ola dživdinen ko čorolipa, na respektirinen pe olengere manušikane niamia thaj si diskriminirime. Ko jekh notirinel kaj o dživdipaskoro vakti ko Roma si majtikno bašo prosek 12,4 berša ko manuš.
Ko Leskovac prekal o hramovipa taro 2012 berš dživdinen sine 12.000 Roma.
