Revoltirime taro o čoripa so sine kerdo upral o membria taro Hrvatsko plainarsko asociacia “Marnišček” , o autori tari olengiri oficialno veb rig akale čipotake informiringja savoren tekstea so sikavela napakjajbaskoro thaj baro ianticiganizmo thaj ksenofobia, havljarel o KAportal.
Sa akava so ulo, o plainaria šubikeren e Romen a ko jekh roden konsiliaro ” Sar te chiden e Romen”?
Akaja čipota uli angleder 4 berša numa pnada nane kriseskoro decizia. O skandalozno lil trujal ksenofobia sikavel thaj notorno hramobajskiri naedukacia. O Kaportal havljarel o teksti saste. O lil si taro 22.02.2012 berš.
„ Ko nakhlo kurko ale amenge jekh drupa Roma. So te vakera, khedingje sa so šaj sine te khedel pe , thaj sa so sine metali. Majbut khedingje purano sastrn thaj ačilem bizo kovtori, bojleri, thaj nekobor sastrnale šipke, gono gunoeske, metalno stalako (pharo šaj 30 kg) ploča kote trubul sine te hramosarel “Šukar avilen” , thaj o devel džanela sa panda so na legarge. I policia majodorig toleririnela len (soske o Roma si them an i them) thaj ni jekh našti čhinavel olen , čorena kobor so mangena thaj kote mangena.
Kana i policia ali, o Roma našle. Thaj akana?. Sako vikebndi aven ko Priselci ko Mujaljagakoro ofiso, kote isi jekh kontejneri a ki oleste isi pherdo bukja. Savore džanen ko si oidola manuša numa niko na mangel te kerel reakcia. Ola darana taro fizičko atako. Olengoro kamioni akana sig dikhle ko parking taro Interspar. . O manuša prependžargje o kamioni, numa niko na vakerela. Isi len thaj pištoli legalno, dendo tari policia, ma te daran neko ma te kerel lenge atako.
Ka kladinav man kaj šaj isi len automati, sa šaj arakhel pe, thaj desavo topi. Kote te aven odothe o problemia. Nadžana so te kera thaj ma te den protektiva akale čorenge” Akava šaj salde te faisalkeren o Sarkozi jali i Angela Merkel, thaj ma te anavkera jekhe persona so si pendžardi ki akana paše historia. ” Romalen iranen amenge o sastrna- thaj mukhen amen ko tromalipa” – tegjol ko teksti.
