Te šaj pire gazete jali magazinia bikinen pe majbut, an i Hrvatska ola čhiven skandalozno informacie te šaj bajrol olengoro tiraži. Te ovel oleniri informacia panda majsenzacionalno, ola hramosaren pire tekstia nesar sar paramisia
a majbut olenge si o target o Roma. Ki jekh agorutni reportaža tari gazeta Dnevnik.hr, džana akale stilea: ” Štar droma ko berš o terne romane čhija thaj čhave avena ko agjaar anavkerdo – Kurko prandibaske so si phravdo an i bugarsko diz Stara Zagora . Akaja si šansa e Romenge so si sakote an i Bugaria te šaj phanen prabdina pe čhavenge thaj čhienge so si panda tikne.
Numa ko Roma si i tradicia o čhave te prandinen pe ko 11-12 berš.
Ko olengoro skandalozno tesktia hramosaren kaj o romane čhija aven šukare uravde, šminkime, thaj romane muzikaja thaj khelibaja, kheden paši peste potencialno kandidatia, džamutreske.
Ko odola tendeciozno thaj sarkastično tekstia, te ovel panda majbut skandalia khele sumencar kaj jekhe romane čhijake o paše famile taro džamutre e bojrenge dena 5, 6 10 thaj majbut mile eura.
