O Web portalo “Roma Times” pohari numa siguritetno resel dži ko plo publikumi . Ko starti kana sine kerdi i promocia ko masek oktomvri 2015 berš sine akcentirime kaj ka kerel pe zori te resel o pativalipa taro plo publikumi deibaja interesno informacie so si konektirime e romane populaciaja taro sa o aspektia.
I promocia sine kerdi an o hoteli Kontinental dži kote prio oficialno starti kergja le jekh masek palo odova ko agor e masekoske noemvri 2015 berš.
Taro tegani dži avdive siguritetno o “Roma Times” barilo an o jekh kvalitetno thaj interesno portalo so dela saikerina – sublimati taro sako profilo sar si si politika, lokalno, nacionalno thaj internacionalno karakteri, teme tari kultura, tradicia, historia, čhib, edukaci thaj info taro zabavno karakteri. O nivelo taro vizite taro dive an o dive bajrola sine sa buteder thaj sar egzamplo ko starto kana sine po šel vizite na o sajto reslja thaj 12.000 vizite bašo 24 saatia.
Odova sine fakti kaj o Roma Times resela sa buteder pativ ko drabarutne thaj vizitaria e veb portaleske.
Garvasiale siem te informirina kote ko starti e masekoske oktomvri akava berš reslen o numero 200.000 visite so sikavel o fakti tari tumari pativ emnde.
Amen sar Roma Times majodorig ka kera zori te riana tumenge tumare Pativibaske premal amende.
Respektea
O timo taro Roma Times
