Maria Ferizovič (21) tari Kalugjerica kaskoro rom o Ahmet Ferizovič (40) brutalno kergfja terori upral olate em šišingja ola khedingja moralno zori te vakerel bašo mediumia.
Numa bašo akava terori bibahtalipaske tergjol sine olakiri phen so sine kamli ko džamutro thaj oj vakergja leske te marel ola.
I phen e Mariakiri rodingja suporto olatar a ko jekh mestingja pe phenja te šaj ov marela la.. E Mariake so sine mardi duj divesa ko apartmano an i Kalugjerica vakeren sine lake kaj olakiri phen si kamli olakere romeske, numa oj na pakjala sine. Vakerena kote lungo vakti sine kamlo thaj kamli olakiri phen thaj olakoro rom.
Akaja storia e Mariake dikhle i sasti Srbia thaj nekobor kompanie dengje piro suporto te šaj te ikljol ko agor akaja Romani džuvli pe trin e čhavencar. Majanglal reagiringja o Auto moto unia tari Srbia so keren zori e Mariake te den desavo bukjarno than.
Kana i Maria ka sasljol aso olakere kvalifikacie so si amare kompaniake. Amen ka da la adekvatno pozicia an i amari kompania.
Trujal o AMS isi taro aver kompanie so ka den sastipaskoro suporto te šaj so majsig sasljol thaj te bistrel akala phare divesa.
