E hrvatskakoro krisoskoro ofiso thagel o niamia taro familiarno thaj civilno sektori soske na angje kanoni bašo reguliripa o statusi taro okola so sine ko maripa ko vakti taro hulavipa e Jugoslaviake.
O europsko kriso bašo manušikane niamia isi len akanaske 17 asavke aktia so kerel opservacia thaj udžaren pe o rezultatia.
Numa aver problemi si kote paše 25% tari Romani populacia an i akaja them so si akana ki EU nane len plesutno dokumentacia baši identifikacia.
Olengoro numero si prekal o rodaripa taro NGO sektori, kote ki jekh kerdi statistikani operacia, sebepi o maripa ki eks Jugoslavia, ki teritoria tari Hrvatska ale manuša taro Kosovo, Bosna thaj aver thana so dži akana nane len regulirime o statusi sar themutne an i Hrvatska.
Ola indirektno si izolirime taro sasoitnipa bizo niami ki edukacia, sasljaripa, bukjarnipa thaj aver fundavno elementia dživdipaske. Ola sar so phanen prandina thaj bijangjoven neve generacia i tendencia te bajrol o numero taro fantomia Roma an i Hrvatska si panda majbaro.
Te šaj te faisalkerel pe akava problemi o romane membria an o Sabori an i Hrvatska thaj o romano NGO sektori trubul te len majbaro angažmani te šaj eleminirinel pe jali minimizirinel pe akava numero so čače realno si but baro.
Pli decizia thaj arka trubul te den thaj e Europakere institucie, sebepi so i Hrvatska si membro an i Europakiri Unia.
