Avdive an o Strazbur, Francia ikerel pe Konferencia an o Networko Internacionalno Romane organizacienge majpendžarde sar IRWN – Phejnalipe.
Ko akava mitingo than len o importantno organizacie, asociacie, khedipa thaj lobi grupe so keren aktiviteto upral e Romanjengere hakoa an o internacionalno nivelo.
Ko akava mitingo plo than len thaj duj uče membria an i Internacionalno Romani Unia – IRU sar kotor taro džuvljakoro lobi an o IRU. Odothe si i Roisita Gronfors tari Finska thaj Šerutno šefo e Komisienge an o IRU thaj i Ajten Berafla tari Švedska ko jekh Šefo e Komisiake an o IRU vaš Edukacia, uka thaj čhib.
Aso o informacie ko avdisutni konferencia ki agenda an o IRWN – Phejnalipe si nekobor nukte – punktia sar so si i ničali registracia e participienge ka kerel pe trampa an o Statuti e netvorkoske thaj ka votinel pe nevo Presidiumi thaj o targeti e aktivitetnge tari akaja romani internacionalno romanjengoro networko thaj an o akcenti impementacia e Hakoenge e Romane džuvljake thaj ko sako segmenti e dživdipaske.
