O Veso Sejdović (67) si agorutno nikšičko kalajdžia kote akava purano romano zanati parvarel sine ple familia.
“Ka ovel buti thaj love e kazanencar baši rakia” vakerel o Veso thaj dopherela kote olskro čhavo o Dejan ka ovel sostar te parvarel ple familia.
Ko nesavo nakhlo vakti akava zanati sine but profitabilno soske sa o artiklia thaj čare so sine kerde taro bakari sine ko sako kher, thaj sako romni mangel sine ko rafti te ovel la majbut čare taro bakari.
Salde šukar phirno džanel sine te kerel čare taro kalai thaj te oven ” rošale sar ajna”.
“Majphareste si mange te kerav o kazania rakiake. Taro aluminium kerava čare kote so ko bardakia kote čhivel pe sine o thud jali kiral, taro bakari čare baši mačhengiri čorba jali fusuj. O fusuj si majšužo taro kerde čare taro bakari, soske si kalasime thaj užo. Kana si kalasime 99% ola rošaren sar ajnja.
Aghjaar šukar kalaismo čaro si le garancia kaj ka ovel šukar taro 5 dži ko 10 berša, vakerel o Veso.
Aso o Veso o kalaisujbe kerel pe jagaja. Majnaglal kerel pe te bilal o kalai ko jekh čaro lel pe nišadri thaj kiselina jekh krpa thaj kosele em sa odova ikljol rošale sar ajna.
Taro savakti o Roma sine len pire zanatia so keren sine tari generacia ki generacia thaj taro than ko than, numa e industrializaciaja akala zanatia ikeren pe šukare.
Ko jekh akala zanatia si em o kotlarsko- kazandžisko zanati, vakerel o Veso.
“Taro berš ko berš sa si phareste, numa amen na čhinavaja”.
Ko jekh akava lošalo phuro manuš mulo ko 16 septemvri 2016 berš.
Link: http://www.slobodnaevropa.org/a/crna-gora-kalajdzija/27989937.html
