I Romani mahala Crvena Zvezda taro Niš palem si bizi elektrikani energia. Aso o lafia premal o lafia taro jekh Rom tari akaja mahala pobuter taro 30 divesa upreder 100 romane familie si bizi elektrikani energia. Čhinavde si sebepi o baro borči premal i kompania so mukhela i struja. Angleder duj berša sine asavko problemo thaj trubul sine pobuter taro 5 masekoa te nakhavel pe akava problemi. ” Sako drom kana isi trampa an o funkcie bašo direktoria an o Elektrostopanstvo tari Srbia thaj Jugositok akaja mahala si sako drom avgo ko targeti.
Savore pučena pes soske keren presia? Duj berša napalal ki akaja mahala pukjinen regularno ple borčia, upral i funda taro verbalno kerdo kontrakto e teganutne direktorea a akanutno dizjakoro šerutno e an o Niš o Darko Bulatović.
Savo ka ovel o epilogo angleder te startunle o jevend e Romencar tari akaja mahala?
You tube : https://www.youtube.com/watch?v=D1UG92cHZfg
