Akala divesa an o socialno netvorko an i Srbia sikaven pe agjaar anavkerde akharina bašo “Srpsko marši” so si notirime bašo 1 Oktomvri an o Beograd. Pali akaja akharin tergjol i neonacistikani organizacia Srpsko nacionalno fronti, kote sar so vakeren o mediumia panda na aplicirngja rodaripa dži ki policia te šaj ikerel akava khedipa.
Ple vakerinaja o nekanutno membro taro “Nacionalno stroj” i Dajana Pospiš (32) angja decizia te “phravel po vilo” thaj te vakerela o garavde bukja akale organizaciake.
I Dajana sine pendžardi thaj sar Asolf Pospiš so kerel sine dar ko Novosadsko droma.
– Kana džaja sine ko mariba ikaven pe sine čhurika thaj sine posaviba. O neve skindsia anavkera len sine sar “tikne regrutia” džana sine ko romane mahale thaj keren sine atakia – vakerel i Dajana.
-Majnaglal šukar organizirina amen sine. Ka targetirina o thana. Kera sine plani te kera len invalidia, te mara len jali ko majpaluno akti te mudara olen. Odova kera sine but seriozno thaj organizirime. Ka bičhava sine mesažo dži ko 20-30 telefonsko numeria so brutalno šukar si trenirime tari grupa kote tergol sine kote ka arakha amen thaj sar ka kera. Odothe palo odova kera sine organizacia, kote thaj ko ka džal – vakerel i Dajana.
Pendrakia , čhurika sine i šastra kote so kera sine o atakia.
– Ko maripa e antifašistencar sako drom maraja amen sine pendrakoncar. Khuvaja sine len kote ka resa, thaj čače sine šukar mariba. Me personalno na, numa o aver e Romen marena sine len but brutalno, faktični phagen sine len marindor, em mukhen len sine invalidia. – vakerel i Dajana
Phagerde šera, phagerde vasta thaj pre, maripa, terori sien momentia so buteder droma dikhljum len.
– Personalno dikhljum jekh akcia kote ko jekh mariba e antifašistencar ko kafe bari “Dvorište” ko Novi Sad jekh dženo taro Nacionalen stroj” ikavgja čhurik thaj posavgja jekhe terne, vakerel o nekanutno neonacisti so akana ov da si targeti e membrenge taro “Nacionalno stroj”
– Daravkerena man kaj ka mudaren man. Bičhaven mange mesažia. Sako mlo nevo broj ola arakhena le – daraja vakerela i Dajana.
http://rs.n1info.com/a193439/Video/Info/Neonacisti-bi-da-marsiraju-Beogradom.html
