I Europakiri Unia si an i idea te kerel plani e themenge so nane olakere membria. O dizutne tari Makedonia, Srbia, Montenegro, Kosovo, thaj Bosna thaj Hercegovina ko avutnipa ka trubul te pukjinen po 13 eura kana ka khuven an i them taro EU. O oficialno Brisel akava nevo sistemi sikavel le sar regisrtiriba avrutne vizitoria (ETIAS) ko khujbe ki šengen-zona, havljarela o EurActiv.fr.
Šerutno motivo si registracia sa e dromarutnenge so aven an i Unia sebepi majbaro siguriteto, numa thaj neve love an o Budžeto, te sine pendžardo kote i EU si majbari turistikani destinacia paše 600 milionia turistia an o berš. I percepcia si kote o profiti taro asavko akti ka ovel paše 500 milionia eura ko berš.Akava sistemi o EU šaj te anel le panda ko starti e beršeske so avela numa nane klar ka ovel li akaja jekhdrom jali ka pukjinel pe sako drom kana ka khuvel ki Europakiri Unia.
Odolea jekh 4 membrengiri familia te manglja te avel ko holidej an i Grcia ka trubul te pukjinel 52 eura, so ka ovel akstra dotacia e familiake.
