Ko dešto dive ko agorutno deš thaj dujto masek an o Hidjretsko (arapsko) kalendari si o dive Kurban Bajram, Dive taro Baro Allaheskoro lačhipa.
Odova dive notirinel pe kote čhinel pe Kurbani aso e Allaheskoro pejgamberi o Ibrahim s.a.v.s. O Kurbani majbut si ki forma taro bakhro.
Ko jekhto dive tar Kurban Bajramo kerel pe Bajram namaz, kote o muslimania roden pativ thaj lačharipa taro Allah. Karakteristika akale diveseske si kote o aniba o kurbani si le simbolika kaj si majpaše e Allahea. O kurbani čhinen savo re so si len šajdipa odoleske. Okla so čhingje kurbani odova mas den le e čorolenge, komšienge familiake.
Sar trono akale diveseske si o Hadži taro Hadžie so gele an o Hadžiluko an i Kaba an i Meka Medina.
O Hadžie si Allahoskere misafiria so del pe lenge šajdipa te kosel sa olengere kerde bezeha thaj odoleske milioni muslimania sako berš kheden pe ko than kote o Pejgamberi Muhamed s.a.v.s phirela sine.
