Paše 43% taro terne Romane čhija an i Srbia khuven an i prandin maškar 15 thaj 19 berša a o procento si majabaro ko čhija taro majčorole familie (52%). Ko aver populacia akala numeria si potikne- salde 4% taro čhaja dži ko 19 berša si prandime jali dživdinen ko naoficialno prandina.
-Soske o jeria bikinen pore čhaen? Kana džava ko socialno centro te rodav socialno odothar vakerena-sasto sian, na sian bango dža te kere buti!. A kote te kerav buti? Ni jekh na mangel man ki buti. I situacia ovel panda bilačhi thaj sar te mukhav me čhaja te džal an i škola kana nane buti? – alcentirinela jekh Rom ko vakti kana si kerdo praktikano ofiso tari NGO “Praksis” an o Leskovac thaj Kosotlac an i tema ” O čhavorikane tikneberšengere prandina”.
O praktikane ofisia si kerde ko pervazoia e proekteske taro INHCR thaj majbaro kotor taro jeria den legitimiteto bašo bikiniba e čhaenge sebepi o čorolipa.
O čhija so tikne beršengere khuven ki prandin na agorkeren i edukacia ačhin na educirime thaj ekonomsko athinale odoleske majlokheste si telal familiarno terori.
– Ko hemime mahale o terne Roma thaj Roma džana an i edukacia, numa ko uže romane mahale majbut taro jeria si analfabetia thaj odoleske o čhave da ačhina naeducirime – vakeren kotor taro “Praksis”.
An si strategia e socialno inkluziake e Romenge ko periodi 2016 – 2025 berš vakerel pe kote o perimetro taro 90% si an o edukaciakoro proceso.
Maškar o terne romane čhave thaj čhija odova proseko na nakhela 22% (28% ko romane čhave thaj 15% ko romane čhija). Bašo kvaliteto e dživdipaske sikavel o info kote 1/3 taro djuvlja ko romane mahale den legimitieto e familarno terorseke, a ki sasti aver populacia odova procento si pase 3%.
Link: http://www.novosti.rs/vesti/naslovna/drustvo/aktuelno.290.html:621370
