Ano Beograd, Srbia ko 30 septemvri thaj 1 oktomvri ka ikerel pe o dujto Festivali e Romane kulturake thaj aktivizmo (FRKA), an i organizacia e Romane Kulturakere Centroske, i Kancelaria taro Ičo Komesaro an o UN bašo Manušikane Hakoa thaj o Centrao vaš artikliriba džanlipa thaj veštine.
Ko thavdipa taro duj divesa ka ikeren pe pobut diskusie vaš Romane problemia kote ka oven sikavde filmia so kerena buti e dživdipaske e Romenge an o regiono thaj ka oven ikerde galerie thaj koncertia.
Ko avgo dive e Festivaleske ka oven sikavde pobuteder phursakerdeo dokumentarno filmi “Amari škola” (2011) . O filmi kerel buti upral trin romane čhave tari tikni diz an i Transalvania so lena than ko proekto e čhinavipaske i segregacia ano lokalno škole keriba maripa mujal letargia, tradicia thaj diskriminacia prekal humor, optimizmo thaj baripa.
Ko jekh ko festivalo ka ovel sikavdo o filmi ” Papuša” (2013) kerdi aso čačutni storia e avgo romane poetesake so hramosargja thaj editeringja ple gilja trujal so sine kontra aso purane tradicie e džuvlenge an i romani jekhin.
Ko pervazia e muzikakere programake ko avgo dive taro festivalo koncerti ka ikeren o grupe “Kal” thaj “Grubb” a ko 1 oktomvri rakjate telal o anav ” O rajone giljaven romano bluzi” thaj than ka len o romano bendi ” Very Naiš” a romane gilja ka giljaven i Biljana Krstić, Ana Stanić thaj Bojana Stamenov. O khjbe an o festivalo si bilovengoro.
