O trupo taro dešberšengoro Sejdo Maličević so našavdilo ko paraštui tari romani mahala Beograd mahala an o Niši, kote arakhlo si idžerati ko pašipa e phurtake Medoševac kote iklilo tari Nišava vakeren tari policia.
I policia o sektori vash naničale situacie thaj i familia taro paršatui rakjakoro roden sine e tikne Sejdo so gelo dži ki dukjana numa na irangja pe.
O trupo sar so notirinela ko panja arakhle le desave manuša thaj dengje alarmi e policiake thaj mujaljagakere ekipenge so ikavgje le taro panja ko pašipa e trenoskere phurtake an o Popovac.
Sar naoficialno havljarel pe upral o trupo e čhaveske nane notirime ratvarina numa o meripa ka džanel pe sar ulo kana ka kerel pe definitivno obdukcia.
Ki familia akana si traipa. Pobut taro šel paše amala thaj familia ale kana havgje kaj arakhlo si o trupo taro tikno Sejdo.
O papu taro tikno Sejdo notirinela kaj oleskoro unuko majpakjavutne si kidnapirime thaj mudardo!
– Šungjem taro čhave kaj dikhle desavo kalo vordon sar ačhilo trujal i len Nišava thaj frdingje e Sejdo ki len. Sine le krpa ko muj thaj sine dživdo. Rodaja tari policia te rodel sa thaj te dikhel ko si bango akale meribaske.
Nane šanse kaj taslilo angleder 4 divesa. Odova than rodingjem pobut droma thaj na arakhlem odothe ništo. O trupo si frdimo ko palokurko diveske – vakerel o papo taro Sejdo
I tikno Sejdo džala sine an i škola F.Š. “Vuk Karadžić” an o Niši thaj gelo ki škola salde jekh dive angleder te našavgjovel. I familia daral kaj šaj sine thaj kidnapirime.
Link: http://www.blic.rs/vesti/hronika/nisava-izbacila-telo-decaka-deda-tvrdi-da-je-otet-i-ubijen/vmckg4m
