O češko vicepremiero thaj Ministeri vash finansie o Andrej Babiš , avdive distanciringja pe pali vakerdi notifikacia kote kerel teleperavipa e Romane Holokausteske, kana ko nekanutno nacistikano bukjarno konc logori e Romenge – Leti an o south e Čehiake anavkergja le sar ” Logori kote o nacistia bičhaven sine salde okolen so na keren buti”.
“Sine vaktia kana sa o Roma sine an i buti. odova so hramosren desave dile žirnalistora kaj o logor Leti sine konclogori, odova si hohavipa . thaj odova sine salde logoro bukjake. Okova so na kerel sine buti legaren le sine odori” vakergja o Babiš ko vcakti tari oleskir vizita an o romane mahale an o Varnsdorf an o nord e Čehiake havljarel e čehiakoro on line portalo Aktualne.cz.
O premiero Bohuslav Sobotka bičhavgja mesažo ple vicepremiereske te džal te vizitkerel o Leti, logori so pali dendo dekreto taro nacistikano protektorato an i Čehia thaj Moravia sine bašo internacia e Romenge sar bukjarno logoro thaj e džuvlenge thaj čhavenge ko nahumano čartia o germansko nacistia palo odova deportirinen sine e Romen ko plo majabro nacistikano logoro meripaske o Aušvic- Birkenau ko soith tari teganutni okupirimi Polska.
“Te sine akava sa čače tegani me vakerava leske te džal hari an i vizita ko Leti te zapendžarel pe faktencar sar e nacistencar agjaar thaj okola so dengje len sar suporto do diferentno forme te mudaren e Romen. Ov trubul te ladžal, te kerel jertisaripa thaj te na buvljarel dilinipa” notiringja o premieri Sobotka.
O korkoro Babiš vakergja kaj oleskiri vorba citirngje la aver čhane thaj bangargja e žurnaliston soske brutalno ikavgje la taro konteksti, ov mangel sine te vakerel kaj o Roma ko vakti taro komunizmo savore sine ani buti, akana reslja an o Varnsdorf dikhlja manušen taro romane familie sar bizi buti bešena khere.
Link; http://www.blic.rs/vesti/svet/ceski-vicepremijer-nesrecnom-izjavom-osporio-holokaust-roma/qf751l0
